Jyotesh ज्योतिष

Devi Mahatmya · Durga Saptashati

Chapter 13: The Boons to Suratha and the Merchant

देवीमाहात्म्यम् · दुर्गासप्तशती · त्रयोदशोऽध्यायः · सुरथवैश्ययोर्वरप्रदानम्

The sage ends the story. King Suratha and the merchant Samadhi worship Devi; she grants Suratha his kingdom and a future life as the Manu Savarni. Listen to the whole chapter in Sanskrit and follow the verses as they are read. About 4 minutes.

The Sanskrit follows the Gita Press text of the Saptashati (29 numbered mantras in this chapter), checked against other published copies where the editions differ. The voice is an AI voice reading Sanskrit and is not a substitute for learning the chant from a teacher. Please listen before using it for any ritual or devotional purpose.
0:00 / 3:55

Press play, or choose a verse below.

  1. Dhyanam

    ध्यानम्॥
    ॐ बालार्कमण्डलाभासां चतुर्बाहुं त्रिलोचनाम्।
    पाशाङ्कुशवराभीतीर्धारयन्तीं शिवां भजे॥

  2. Mantra 1-2

    ॐ ऋषिरुवाच॥ एतत्ते कथितं भूप देवीमाहात्म्यमुत्तमम्। एवंप्रभावा सा देवी ययेदं धार्यते जगत्॥

  3. Mantra 3

    विद्या तथैव क्रियते भगवद्विष्णुमायया। तया त्वमेष वैश्यश्च तथैवान्ये विवेकिनः॥

  4. Mantra 4

    मोह्यन्ते मोहिताश्चैव मोहमेष्यन्ति चापरे। तामुपैहि महाराज शरणं परमेश्वरीम्॥

  5. Mantra 5

    आराधिता सैव नृणां भोगस्वर्गापवर्गदा॥

  6. Mantra 6-7

    मार्कण्डेय उवाच॥ इति तस्य वचः श्रुत्वा सुरथः स नराधिपः॥

  7. Mantra 8

    प्रणिपत्य महाभागं तमृषिं शंसितव्रतम्। निर्विण्णोऽतिममत्वेन राज्यापहरणेन च॥

  8. Mantra 9

    जगाम सद्यस्तपसे स च वैश्यो महामुने। सन्दर्शनार्थमम्बाया नदीपुलिनसंस्थितः॥

  9. Mantra 10

    स च वैश्यस्तपस्तेपे देवीसूक्तं परं जपन्। तौ तस्मिन् पुलिने देव्याः कृत्वा मूर्तिं महीमयीम्॥

  10. Mantra 11

    अर्हणां चक्रतुस्तस्याः पुष्पधूपाग्नितर्पणैः। निराहारौ यताहारौ तन्मनस्कौ समाहितौ॥

  11. Mantra 12

    ददतुस्तौ बलिं चैव निजगात्रासृगुक्षितम्। एवं समाराधयतोस्त्रिभिर्वर्षैर्यतात्मनोः॥

  12. Mantra 13

    परितुष्टा जगद्धात्री प्रत्यक्षं प्राह चण्डिका॥

  13. Mantra 14-15

    देव्युवाच॥ यत्प्रार्थ्यते त्वया भूप त्वया च कुलनन्दन। मत्तस्तत्प्राप्यतां सर्वं परितुष्टा ददामि तत्॥

  14. Mantra 16-17

    मार्कण्डेय उवाच॥ ततो वव्रे नृपो राज्यमविभ्रंश्यन्यजन्मनि। अत्रैव च निजं राज्यं हतशत्रुबलं बलात्॥

  15. Mantra 18

    सोऽपि वैश्यस्ततो ज्ञानं वव्रे निर्विण्णमानसः। ममेत्यहमिति प्राज्ञः सङ्गविच्युतिकारकम्॥

  16. Mantra 19-20

    देव्युवाच॥ स्वल्पैरहोभिर्नृपते स्वं राज्यं प्राप्स्यते भवान्॥

  17. Mantra 21

    हत्वा रिपूनस्खलितं तव तत्र भविष्यति॥

  18. Mantra 22

    मृतश्च भूयः सम्प्राप्य जन्म देवाद्विवस्वतः॥

  19. Mantra 23

    सावर्णिको नाम मनुर्भवान् भुवि भविष्यति॥

  20. Mantra 24

    वैश्यवर्य त्वया यश्च वरोऽस्मत्तोऽभिवाञ्छितः॥

  21. Mantra 25

    तं प्रयच्छामि संसिद्ध्यै तव ज्ञानं भविष्यति॥

  22. Mantra 26-27

    मार्कण्डेय उवाच॥ इति दत्त्वा तयोर्देवी यथाभिलषितं वरम्॥

  23. Mantra 28

    बभूवान्तर्हिता सद्यो भक्त्या ताभ्यामभिष्टुता। एवं देव्या वरं लब्ध्वा सुरथः क्षत्रियर्षभः॥

  24. Mantra 29

    सूर्याज्जन्म समासाद्य सावर्णिर्भविता मनुः॥

  25. Colophon

    इति श्रीमार्कण्डेयपुराणे सावर्णिके मन्वन्तरे देवीमाहात्म्ये सुरथवैश्ययोर्वरप्रदानं नाम त्रयोदशोऽध्यायः॥

Mantra numbers follow the Gita Press numbering, in which the line naming the speaker (such as “ऋषिरुवाच”) counts as a mantra of its own and is read together with the verse that follows.